U President ka Bharatiya Janata Party (BJP) Meghalaya, u Ernest Mawrie da khana u wa u Prime Minister ka ri, u Narendra Modi daw wan u wow yalap Election neibynta ka Party hapoh ka jylla deilang wa 20 ngut kiwi won kiwa yahkhmat Party na Delhi.
Da khana u wa u Prime Minister daw e u yei klam neibynta ka Party ha Shillong, Jowai wa Tura, heiwa da pyntip u wa u Modi ye u wow wan hadien ka 10 tarik yong u bnai wow wan.
Kiwi ki heh ka BJP wow wan yalap Election ha Meghalaya u kynthup ki leh ya u Union Home Minister, u Amit Shah, u Defence Minister, u Rajnath Singh, ka Smriti Irani wa kiwi kiwi.
Ha iwi i liang, u Mawrie da khana u wa ka Party daw pynbna paidbah noh ko ya ki kyrtong hapoh ka 2 tarik u bnai wow wan. Da khana u wa ka Party da dep ko wow yoh lut ya ki pyrtuid ki kyrtong kiwa paan Ticket na ka Party neibynta waroh 60 tylli ki Constituency, wei ya kini ki pyrtuid ka Party daw hap phah noh ko cha Delhi, heiwa ka Central Parliamentary Committee daw bichaar ko ha ka 31 tarik uni u bnai.
