Ka Executive Committee yong ka Khasi Hills Autonomous District Council (KHADC) da pynkhreh ko wow wanrah ya ka mang tangka 2022-23, ha ka dorbar kawa daw sdang nadooh ka 8 tarik u Wisu (Mar) 2022.
Hawa klam hadien ka yalang ka Executive Committee, u Chief Executive Member (CEM), u Titosstarwell Chyne da pyntip u wa ka mang tangka wa ka Council daw wanrah ym yaphær palat na u snem wa dadep, tangwa da em du malu mala i pynbait hawa yatoh wa ki chnat krehkaam ka KHADC.
Da pyntip u wa ha ka dorbar mang tangka kawa daw man, ka Council ym wanrah ko ya ki Bill wa thymme, tangwa da booh wow wanrah du ya ka bui (Report) yong ka Select Committee hajrong ka Khasi Hills Autonomous District (Khasi Inheritance of Property) Bill, 2021 kawa man ka Bill neibynta wow pynyoh lang yeiwa em ki bei ki pa ya ki khon Khasi wa pura.
Puræ leh: Cha ka Select Committee phah ka KHADC ya ka Bill wow e bhah lang ya waroh ki khon
