Daw wanrah ka ABVP ya 75 ngut kiwa dang lai puræ yow sñiawthooh ya ka dustur riti ki jaitbru ka North East

Ka Akhil Bharatiya Vidyarthi Parishad (ABVP) da pynbna ko wa kam chibynta ka ‘Purvottar Adhyayan Yatra’ kawa daw pynman u Khonchonglad (Nov), 2023 daw wanrah ko 75 ngut ki khynroo khyllood kiwa dang lai puræ ha kylleiñ ka ri India yow wan ki maad ki ya ka dustur riti waphær waphær, yow yoo ki ya jaitbru wa boon jait kamjooh i mahajon ha ka spah rym-aw wa em ha ka thaaiñ North East.

Daw yah wow lai yachem ki leh ya kiwa boon ki bru, daw lai leh cha ki thaw wa kyntang kamjooh ki thaw wa bna naam hei miat.

Ya ini da leh hadien wa jop i pynkrehkaam ya ka Inter-State Student Life Darshan (SEIL) Yatra, wa da sdang da ka ABVP nadooh u snem 1966 kawa da pynman chisien chi snem yow wanrah yei yajan wei ya sñiawthooh hapyrdi kiwa dang lai puræ yow tip u ya burom uwi ya uwi hapyrdi i phær ka dustur riti.

Hapoh ka SEIL Yatra da e laad leh ya kiwa lai puræ ka North East u lai ki cha kiwi ki jylla ka India yow sñiawthooh yei phær ha ka ktien u thylliej kamjooh ka dustur riti wa i rukom puræ puthi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Yagyawalkya Shukla, National General Secretary ka ABVP da ong u wa ini wa da leh toh iwa emkaam bha neibhah ka North East India da em ko boon ki thaw puræ wa bna naam najrong wa da man ko leh ka thaw kawa miat wei da ku ko leh ha waroh ki liang wei ini man ko ki dak wa bha ya ka ri waroh kawi.

Chooh chooh da ong u wa katni dang boon chooh chooh kiwa na North East kiwa lai puræ cha kiwa boon ki bynta ka ri kamjooh kiwa lai kreh, kamtæ da emkaam wow yarap leh ya kiwi wow sñiawthooh ki yei long i man ka thaaiñ North East yow ye u wanrah yei yatylli.