U Montri Rangbah ka jylla, u Conrad Kongal Sangma da ong u wa ya ka Ordinance wow pyndam noh ya ka aiñ yakhle namo ka Meghalaya Regulation of Gaming Act, 2021, daw wanrah noh mar chong biang ka dhab ki Montri (Cabinet) ka sorkar jylla.
U Conrad da kyntait u wow klam chiboon hajrong i wanrah ya ka Ordinance wow pyndam ya ka aiñ yakhle, tangwa da pyntikna u wa mar chong yalang biang ki Montri daw wanrah leh ya ini i kaam.
Kam wow kdaw heini wa ha ka 13 tarik uni u bnai ka sorkar jylla da chim ko ya i rai wow pyndam noh ya ka Meghalaya Regulation of Gaming Act, 2021 hadien wa boon ki paidbah pynsñiaw ki yei wym sñiaw yahaap ya kani ka aiñ.
Chooh chooh ha kani ka 13 tarik ka sorkar jylla da chim ko ya i rai wow pyndam ya kani ka aiñ hadien wa mih i pyrchah na kiwa boon, wa kynthup ya ki seiñbhalang, ki heh niam, ki heh chnong wa kamjooh ki MLA ka liang pyrchah.
