Daw yachem chwa u CEM ya u Dy CM chwa wow e NOC ya u sarok Two Lane

Shillong: U Chief Executive Member (CEM) ka KHADC, u Hispreaching Son Shylla da ong u wa ka rai yong ka KHADC wow dam u e NOC ya u sarok Nongstoiñ-Wahkaji-Ranikor ym man ko kawa da raikut tangwa man ko neidaw wa boon kiwa pyrchah neibhah wa haap ko hapoh ka thaaiñ wa em u Uranium.

Da ong u wa i rai ka KHADC wow sangeh wow e NOC man i neidaw wa pyrchah joor ki seiñbhalang wa kynthup ya ka KSU wa LYWA, wei ym kwah ko wow jia kamwa da jia ha ki snem wa dadep heiwa ka KHADC da chah hiar thma ko.

Yeini da ong u Shylla hawa jubab ya i chah pynbaad ha u Symbood Montri Rangbah ka Jylla, u Prestone Tynsong wa u CEM da rai jhan u wow kyntait e No Objection Certificate (NOC) ya u sarok 2 lane na Nongstoiñ-Wahkaji-Ranikor.

U Shylla da ong u wa ha kitu ki por ympu yoh yei pynche wa da pyndam noh ya u sarok kawa da pynman ya ka KHADC wow yieñ ha ka yurim wow sangeh chwa ya ka NOC, tangwa katni u Tynsong da ong u wa ka sorkar ymchah ko wow tih ya u Uranium.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da pyntip u leh wa daw yachem u wa u Prestone wow yoh da i thoh wa ka sorkar ym tih Uranium ko chwa wow e NOC.