Shillong: Ka Hynniewtrep A’chik National Movement (HANM) da dawa ko wa ka sorkar toh u pynbait noh ko ya u pood u ang wa ka jylla Assam chwa i lehkmen dap 50 snem wa yoh ka jylla (Meghalaya).
Hawa yaklam hadien i yachem wa u Symbood Montri Rangbah, u Prestone Tynsong neiliang u President ka HANM, u Lamphrang Kharbani da ong u wa ym em myntoi ya ka jylla u lehkmen dap 50 snem neibhah ympu em ko ya u pood uwa tikna.
U Kharbani da ong u wa neiliang u Prestone ym em kular u wow ye u pyndep ya i pynbait pood chwa u snem 2022, tangwa da kular u wow chimkhia katwa ye wei hadien ka Election MP daw em ka yachem hapyrdi ki Montri Rangbah na waroh ar tylli ki jylla wow pynbait noh ya u pood u ang.
U Prestone da kular u wow chimkhia wow pynyachem ya ka seiñ wa ka sorkar thymme ha Delhi hadien ka Election MP
Ka seiñ da dawa ko na ka sorkar wow booh da ki Deputy Commissioner kiwa toh ki tre jylla (Khasi) ha ki District kiwa em u pood wa ka Assam khnang wow pynsuk ya ki tre chnong wow lait na iwon iwon i eh.
Chooh chooh da dawa ko na ka sorkar wow yaklam wa ka Home Ministry ka sorkar India wow wanrah noh da ka pyrton chipai yong ka jylla, ka Meghalaya Regiment kamwa da leh ha ka jylla Nagaland. Da ong u Kharbani wa i em kini ki chipai daw wailad ko wow yoh kreh wei ym emkaam de wow phah sonteri da kiwi ha ki thaw khappood.
Discussion about this post