Shillong: U Executive Member ka KHADC, u Antonio War da ong u wa ka KHADC daw yachem ko waka sorkar wa thymme ka Meghalaya Democratic Alliance (MDA) wow yaklam bniah hajrong ka aiñ chna yung yong ka Council.
Hadooh katni ka KHADC ym pu ye ko u leh ya kani ka kaam wei dang sahkut bait ko ha chiteiñ.
Ka Executive Committee wa yahkhmat da ka PDA ympu em ye ko u pynmih kiyi kiyi ki pynbna hajrong kani hanlada da em ka rai ha u Kmaichonglad (Dec) ynnin u snem wow ebor ya ka KHADC wow pynmih ya ki hukum chna ya ki Town Committee ha ki thaw wa em cha baar ka Municipal.
U Antonio War leh da pyntip u hapoh ka yung dorbar ka KHADC ynne ka sngi wa ka yalang kawa man ha u Thohlakhmi (Feb) uni u snem kawa da wan ya chimbynta da waroh ki dkhot ka EC wa ki seiñ kiwa synchaar chnong da rai wow yachem wa u Montri Rangbah ka jylla u Cornad K Sangma wow thooh yumut wa kham bniah ya kani ka kaam.
U Antonio da ong u ya ini hawa jubab yeiwa kylli u MDC ka Mawphlang-Diengiei u Lamphrang Blah ha ka sngi sdang ka dorbar mang tyngka.
Discussion about this post