Daw yakhih ka Congress nadooh ka 14 tarik u bnai wow pyrchah ya ka Work Permit

Shillong: Wow pyrchah yei thmu e Work Permit cha kiwa na Bangladesh, ynne ka sngi ka Indian National Congress (INC) Meghalaya da pynbna ko wa daw pynman yakhih ko pyrchah yeini i thmu nadooh ka 14 tarik uni u bnai ha Shillong wa Mendipathar.

Hawa klam wa kiwa pathai khubor uwa yahkhmat ya ka Congress Legislature Party (CLP), u Dr. Mukul Sangma da ong u wa ini i thmu u Montri Rangbah ka jylla, u Conrad Sangma daw ktah ko ya ka jylla ha ki por wow wan.

Da ong u wa ini i thmu wow wanrah da ka Work Permit neibynta kiwa na Bangladesh ymtoh iwa mut ka NPP neibhah wa ym em i ha ka mat Election yong ka.

U Dr. Mukul da ban joor u wa ka Congress la man katwa man leh ym e laad ko ya ka sorkar wow e Work Permit cha ki nong Bangla wei u pteiñ ko wow pyrchah yeini.