Ka sorkar jylla ynne ka sngi da rai ko wow pyntikna wym em i tyngkheiñ ya ki kyndon Election ki wow pynman ha ki 2 tylli ki Constituency hapoh East Khasi Hills District.
Ka Election Commission of India ynne ka sngi da pynbna ko ya ka tarik wow pynman ya ka Election chiteiñ samoi ha ki 3 tylli ki Constituency ka Meghalaya Legislative Assembly wa kynthup ya ka Rajabala, Mawryngkneng wa Mawphlang.
U Montri Rangbah uwa man leh u President Rangbah ka National People’s Party, u Conrad K Sangma da ong u wa ka Party daw booh kyrtong ko ha waroh 3 tylli ki Constituency wei ya ki kyrtong daw pynbna myntu ka sngi.
Ha iwi i liang da ong u wa i rai ka ECI da chim deiwa bichaar bniah leh yei long i man heiyatoh wa u COVID-19, wei ka ECI daw booh ko leh ya ki kyndon wow yada nei poor uni u khñiang.
Neiliang u President ka NPP Meghalaya uwa man leh u MP ha Rajya Sabha, u Dr. Wanwei Roy Kharlukhi da ong u wa ka Party daw pynbna ko ya ki kyrtong neibynta ki 3 tylli ki Constituency wei da kyrmen wa ka NPP daw jop bait ko.
Hawa kylli, da ong u wa ka NPP ym kheiñstiñ ko ya ka Congress næ kiwi ki Party wa yakhun pyrchah ha ka Election.
