Shillong: U National Vice President ka Bharartiya Janata Party (BJP), uwa pait ya ka Party ha Meghalaya, u Dr. M Chuba Ao da ong u wa i dawa ka jylla Meghalaya ya ka Inner Line Permit (ILP) daw yaklam chwa lada ka jylla emkaam sakhiat ko wow pynkrehkaam ya ka ILP.
I dawa ya ka ILP ha ka jylla Meghalaya da khai im biang i ha u snem wa dadep, hadien wa ka sorkar India da mynjur ko wow pynkrehkaam ya ka Citizenship Amendment Act (CAA), kawa da pynman ya ki seiñbhalang kiwa em hapoh ka jylla wow pyrchah ya katai ka aiñ da iwa dawa leh wow pynkrehkaam noh ya ka ILP wow yada nei psiah ki bru na baar jylla.
Ha u snem wa dadep neilang ka sorkar jylla da wanrah ko leh ya ka Resolution ya kawa da mynjur da ka Yung Dorbar wow pynkrehkaam ya ka ILP, tangwa hadooh katni ympu ye wow pynkrehkaam ya ka neidaw wa dang sahteiñ ko ha ka sorkar pyrdi.
U Ao da ong u leh wa i yaklam wa i bichaar bniah man i iwa emkaam, lada pynkrehkaam ya ka ILP daw em namo ym em i chah pynthut ha kiwi ki liang, deiwa pynrap leh wa ymye wow e namo kyntait ya i dawa wei chwa wow pynkrehkaam ya kawon kawon ka aiñ emkaam i yaphyllu yumut sani bha.
