U MLA ka BJP na Pynthorumkhrah uwa man leh u Montri ha ka sorkar MDA, u Alexander Laloo Hek, da ong u wa emkaam ya ka sorkar pyrdi wow pynbait noh ya u pood u ang hapyrdi ka jylla Meghalaya wa Assam.
Da ong wa ka sorkar MDA ka da chimkhia ko ya kani ka phang wei daw rah leh wow yaklam kyrpang wa u Montri Kam Pohyung ka ri India, u Amit Shah ha Shillong, deiwa ong wa kani ka kaam da toh wow pynbait noh smat neibhah toh kawa da sahteiñ da slem bha.
Hawa kylli, da ong u wa hadooh katni, i yaklam wow pynbait ya u pood u ang toh du hapyrdi ka sorkar Assam wa ka sorkar Meghalaya, katwa neiliang ka BJP Meghalaya ym pu em yaklam ko iyi iyi leh wa ka BJP kawa yahkhmat ya ka sorkar ha Assam, deiwa pynrap u leh wa ya kani ka phang, ka Party daw yaklam ko hadien wa dep ka Election ha Assam.
