U Sybood Montri Rangbah ka jylla uwa man leh uwi na ki khlieh ka Party NPP, u Prestone Tynsong da ong u wa ha ka yalang ka Coordination Committee daw yaklam lut ya waroh i pynbaad ka BJP iwa kynthup ya i baamtooh ha ki ADC.
Da kyntait u leh ya i pynbaad wa da mylliñ ya ki heh ka BJP ha ka jylla, deiwa ong wa ka MDA ym em lai lait næ mylliñ ko ya kawon kawon ka Party, tangwa kam ka sorkar synrop waroh ki seiñ wa em ha ka sorkar em ki jar jiar i bynta ha ki rai wa chim ka sorkar.
Da ong u wa lada ka BJP ym sñiawsuk ko wow embynta ha ka sorkar ye ko wow mih noh na ka.
U Prestone da pynrap u leh wa katni waroh ki rai daw chim ha ka Coordination Committee ka wow man ha ka 26 tarik, deiwa ong leh wa na ka BJP em ko 2 ngut ki MLA kiwa mikhmat ya ka Party ha ka MDA Coordination Committee.