U Montri Rangbah ka jylla, u Conrad Sangma da pyntip u ynne ka sngi wa u Union Home Minister, Amit Shah daw yachem u wa ki Montri Rangbah ki jylla ka Northeast wa em i ya kajia pood wei ini toh iwa daw yaklam bha manda yachem.
Ki Chief Secretary wa ki Director General of Police na ki jylla ka thaaiñ Northeast daw emlang ki ha kani ka yachemlang.
U Amit Shah da antaad wa daw wan u ha ka 17 tarik uni u bnai ha Shillong neibynta ki ar sngi.
“Manda wan u, daw em leh ka yachem wa ka North Eastern Space Application Centre (NESAC) wei daw wai u leh ya ki le tylli ki kaam (Project) ha East Khasi Hills,” da pyntip u Conrad.
U Conrad da pyntip u leh wa u Amit Shah daw lai u cha Sohra yow wai ya ki 3 tylli ki kaam thung (Plantation Project).
U Montri Rangbah da ong u leh wa i paan por ki seiñ napoh ka jylla wow yachem wa u Amit Shah ym pu em yoh jubab ya ki.
“Neiliang yong nga leh daw yaklam O wei daw pait kammon yoh jubab,” da ong u Conrad.
