U Montri ka jylla Assam u Himanta Biswa Sarma da pyntip wa daw pynbna yaka Tamulpur kam ka District wa thymme ka jylla wei ya ini i rai da chim deiwa pyrkhat yei thrang ki paidbah kani ka thaaiñ. Ka Tamulpur kattæ toh ka Sub-division ka Baksa District wa em hapoh ka Bodoland Territorial Region (BTR).
Ya ini da ong u hawa klam haka yalap Election ha Ghagrachak, Goibari Sarma, Assam deiwa ong, “Daw chna yaka Tamulpur District. Ka Tamulpur District daw kynthup ko yaka Darangajuli, Goibari, Nagrijuli wa Suklai Serfang Constituency ka Bodoland Territorial Council. Daw em 5 tylli ki District hapoh ka BTC kawa katni em 4 tylli ki District.”
Ki soo tylli ki District hapoh ka BTR toh ka Kokrajhar, Chirang, Udalguri wa Baksa.
“Daw booh yaka Medical College ha Tamulpur; ka yingkieñ wa thymme ha Pagladia, ka Government College ha Darangajuli wa ka Stadium leh daw chna,” da ong u Sarma.
Da khana u leh chaphang ki kaam yarap paidbah wa da leh ka sorkar Assam.
Ka Baksa wa ka Udalguri District daw thap Vote ki haka 7 tarik uni u bnai katwa ka Kokrajhar wa Chirang Districts daw thap Vote haka 12 tarik.
Kani ka Election toh neibynta ka Bodoland Territorial Council.
