Jowai: U Dr. R.C Laloo, Deputy Chief Minster, I/c Food Civil Supplies & Consumer Affairs ynne ka sngi da wan wai u ya ka yalang pynsñiawthooh paidbah ya ka aiñ National Food Security Act ha District Library Auditorium, Mynthong, Jowai wa pynman da ka Meghalaya State Food Commission hei krehlang waka yungkrehkaam u Deputy Commissioner (Supply), West Jaiñtia Hills.
Kani ka pynsñiawthooh paidbah da pynman neibynta kiwa chong chnong ka ri-loom Jaiñtia heiwa da emlang u B.K. Verma, (Rtd) IAS, Chairman of State Food Commission, L. Kharkongor (Rtd) IAS Member of State Food Commission, L. Lhuid, I.R. Sangma Director FCS &CA, Deputy Commissioner, East Jaiñtia Hills District, I. Laloo, IAS, SDO Amlarem Sub-Division, Amlarem, S.C Laloo, Additional Deputy Commissioner, West Jaintia Hills District ki waheh chnong, ki tre Fair Shop, Wholesalers, kiwa sikai da wan ki wow sñiaw yei pynsñiawthooh chaphang kani ka aiñ.
U Dr. R.C Laloo, hei klam yong oo da ong u wa ka sorkar da pynkrehkaam ko yani ka aiñ yow pyntikna wa kiwa dooh wa duk u yoh ki yei hok yong ki wei da bood ko thij pa thij yow pyntikna wa kani ka aiñ da pynkrehkaam yow yoh i hok ki paidbah ya u khoo wa kiwi wa emkaam ki hei dor wa biang.
Da ong u leh wa ka sorkar lyngba ka commission da booh ko ki laad wa ki paidbah ye ki u pynsniaw yei ood yong ki hei yatoh wa kani ka aiñ kam ka Midday Meal hapoh ki skur, Special Nutritional Programme ka ICDS. Da booh ya ki sahep ha waroh ki District wow pait yeini wei ki paidbah leh ye ki u phone ha u number wa mynkna u 1967 ya ki ujor yong ki.
Da pteiñ u leh deiwa ong waka NFSA man ko kawa jop hei rukom pynkrehkaam ya ka hapoh ka jylla wei da yarap ko ya 278 ngut ki Wholesaler wa 4716 ki dukan Fair Price Shop kiwa pynpoi yei bhah kiwa yoh myntoi lyngba ka PDS kiwa em 21.50 Lak ngut hapoh ka jylla.
Discussion about this post