Dawa ka JHOTA wow pyndam noh ya ka 7th Mile Weighbridge

Jowai: Ka Jaiñtia Hills Truck Owners Association (JHOTA) ynne ka sngi da li ujor ko ha u Commissioner & Secretary, Transport Department ka sorkar jylla pyrchah ya ka 7^th Mile Weighbridge wa em ha West Jaiñtia Hills District.

Da ong ki wa kamwa man kattæ hapoh ka jylla da em 3 tylli ki Weighbridge wa pyllai da ka sorkar jylla kiwa em ha ki thaw wa tip kam ki Entry wa Exit Point tangwa yoophylla won ka 7^th Mile Weighbridge toh kawa em hapyrdi ka jylla dang krehkaam bait ko hadooh katni leh wei da wanrah ko boon i chitom ya kiwa yah truck kamjooh leh ki tre truck.

Kamwa man katni ki truck wa lai lyngba ki sarokbah hapoh ka jylla haap thaw khia ki le sien ya i jooh i mar heipor wa psiah namo wa mih ki na ka jylla ha 13^thMile (Ri-Bhoi) wa Umtyra, EJH iwa mut waka 7^th Mile Weighbridge toh kawa pynwit hi-eh yei lai i wan ki truck wei haap pynlut poisa ki truck le sien. Ini da ktah joor ko ya i nong ki tre truck wei da ktah ko leh neibhah boon toh kiwa thied truck deiwa chim da ka ram na ki bank.

Ka JHOTA leh da ong ko wa kiwa kreh heini nadooh ki yong ka sorkar wa kiwa pyllai ya kani ka Weighbridge da jooh dat ki leh ya kiwa yah truck kamjooh kiwa yarap ya kiwa yah.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da pteiñ deiwa ong wa ki truck toh ki budloom ka jylla Meghalaya kamtæ emkaam wow burom ya ki tre truck kiwa yah truck kiwa yarap ymtoh u kheiñ ya ki kam ki mrad da kiwa kreh kani ka 7^th Mile Weighbridge kamtæ ka sorkar lada ym pyndam ko ya kani ka Weighbridge emkaam ko u pynche leh neiyi i daw wa kani ka Weighbridge lada em ko ha pyrdi ka jylla leh dang krehkaam bait ko.

Kani toh katkam ka khubor na u Enrico D Pasi, General Secretary Jaiñtia Hills Truck Owners Association.