Khliehriat: Ki dkhot yong ka Meghalaya People United Front Khliehriat Circle (MPUF-KC), hei yahkhmat yong u Kyrshan Blah uwa man leh kam u President yong ka Khliehriat Circle wa ki dkot yong ka, ynne ka sngi da lai e ki dei thoh cha u DC ka Khliehriat u E. Kharmalki wow dawa yaka Footpath ha ka yaw Ladrymbai.
Neiliang u DC da ong u wa sñiawsuk u ya ini wei da kular u leh wow chimkhia ya ini ka kaam deiwa lai sylli da i yong oo hi ki khmat ha kini ki kajiak sngi wow wan.
U Kyrshan Blah hawa klam u da ong u hadieñ waka seiñ da sakhi ko da ki khmat yong ka, da chem ko leh yei khynnia katai ka yaw Ladrymbai, kamtæ da yachem ko wa u DC wow phah kyrriah khamtam ya kitu kiwa chongdai ha rood sarok cha kiwi tawan ki thaw neidaw wa khynnia ware itai i thaw hadooh ki paidbah leh hap ki wow lai luti na ki sarok kari, da ong u leh da jooh em i jia sñiawsih ha kini ki por wa dadep neidaw wa khynnia ware katai ka sarok hadooh wa ki kari leh da chitom ki wow lai.
Chooh chooh da ong u ka seiñ leh da dawa ko yaka thaw booh kari ha kitai ki thaw yaki kari wa lai emkaam wa yaki kari kamai leh wow lait na i khynnia yow man ko leh kam wow pynsuk yaki padbah wa lai wa wan.
Da ong u leh ka seiñ daw booddien ko yeini i kaam neibynta i suk yong u paidbah, katkam wa man kattæ ka yaw Ladrymbai man ko kawi ka yaw kawa chakri yaki paidbah wa chong chnong ka East Jaiñtia Hills yaka kamai kajih næ haka khayi ka pateiñ.
