Shillong: U Montri Rangbah ka jylla, u Conrad K Sangma da ong u wa i kdong yong ki pulit ka jylla Meghalaya da pynman ko ya uwa yahkhmat ka seiñ kieñ suloi ka United Liberation Front of Asom – Independent (ULFA- I), u Drishti Rajkhowa wow pyndem noh hakhmat ki pulit kiwa ya krehlang wa ka kynhun ki chipai.
U Montri Rangbah da ong u wa emkaam wow kyntu ya ka imlang sahlang ha ka yoh ka kot wa ha ki kaam pynroi neibynta wow lait na i khai im biang ki kaam lehnoh ha ka jylla, deiwa da pynrap leh wa ini i yoh wow kem ya ki dkhot ka ULFA-I daw yarap ko wow khanglaad ya i em ki seiñ kiwa kieñ suloi hapoh ka jylla khamtam ha Garo Hills.
U Drishti Rajkhowa uwa tip leh kum u Manoj Rabha toh u Deputy Commander In-Chief ka United Liberation Front of Asom – Independent (ULFA- I), wei da pyndem u ha ki pulit ha Meghalaya ryngkat wa soo ngut kiwi won ynnin ka sngi, hadien wa chah khang kdong u ha ki pulit SF-10 ha ka chnong Bolbogkre ha South Garo Hills District.
