Ka All Jaintia Youth Welfare Organisation (AJYWO) Central Body waka AJYWO-East Jaiñtia Zone da e kti ki da ka dorkhat cha u Chief Executive Member (CEM) yong ka Jaiñtia Hills Autonomous District Council (JHADC), ynne ka sngi yow pynsñiaw yei pyrchah yei thmu wanrah luti rel hapoh East Jaiñtia Hills District.
Ha ka dorkhat, ka seiñ da dawa ko leh wym toh u e NOC yei thmu ka sorkar wow wanrah ya kani ka luti rel.
Neiliang u President ka AJYWO-EJHZ, u Heathermoon Ryngkhlem da ong u wa wot hadien wa kiwa boon ki seiñbhalang da pyrchah ki yei wanrah ya ka luti rel hapoh ka District tangwa ka sorkar dang pteiñ hi wow klam ha ki laad pathai khubor wow pynpoi ya ka luti rel.
Da ong u leh wa ka AJYWO nadooh u snem 2013 da pyrchah ko yei pyrchang wanrah luti rel da u MP ka Shillong, u Vincent Pala kawa tip kam ka Lanka-Sutnga Railway Line wei u pteiñ yei pyrchah kat wym pu yoh ya ka ILP næ kiwi won ki aiñ kiwa khor kiwa ye u kdoh u khoom yei wan tooid laitlan ki baar jylla khnang wow yada ya ka jaitbru wa khian paaid yong i.
Neiliang u CEM yong ka JHADC, u Thombor Shiwat da pyntip u cha kiwa yahkhmat ka seiñ wa hadooh katni ka District Council ym pu e NOC ko wow wanrah ya ka luti rel hapoh Jaintia Hills.
Discussion about this post