Ka Expert Committee wa da thung da ka sorkar jylla yow pynbait thymme ya ka Reservation Policy da sdang ko yei ap paidbah namo ki Public Hearing nadooh ynne ka sngi ha Shillong, heiwa boon ki bru samen wa ki seiñ kreh monsñiawbha da wan ki chaphrang.
Neiliang ka Bethany Society ha i yachem wa ka Expert Committee, da pynsñiaw ko wa hapoh ka Reservation Policy toh u lai lang i hok kiwa duna hei doh i pran.
U Secretary ka Bethany Society, u Cormo Noronha da ong u wa ka Reservation Policy toh u lai lang ko wa ka aiñ Rights of Persons with Disability Act, 2016 kamjooh waka Meghalaya State Policy for Empowerment of Persons with Disability, kiwa kdaw wa ki bru wa duna ha i don i pran toh u yoh ki 4% ka bhah yoh kreh.
Da ong u wa ka Society da tyrwa ko wa ha ka aiñ bhah kreh ymye wow lai lait ya kani ka 4% kawa man i hok kiwa duna wei ini i bhah da toh u pynkrehkaam leh ha ki District katkam ka aiñ wa ka kyrdan.
Discussion about this post