Jowai: Ka Dorbar Chnong Mukroh, West Jaiñtia Hills District ha ka 14 tarik uni u bnai hapoh i yahkhmat u Waheh Chnong, u Hamboi Sumer deilang wa kiwi kiwa kitkaam chnong da lai yachem ki ya u MLA ka thaaiñ u Nujorki Sungoh hapoh ka kamra krehkaam yong oo heiwa da ekti ya ka Dorkhat wow dawa wow booh ya ka Police Out Post (POP) hapoh ka chnong Mukroh.
Ha ini i yachem da banjoor hakhmat u MLA wa kammon kammon ka sorkar toh u booh bait ko ya kani ka POP hapoh ka chnong khnang wa ki paidbah ka thaaiñ u yoh yada ki khamtam hajrong u pood u ang ka jylla.
Chooh chooh ha ka wyrta wa da pynlait da u Waheh Chnong ynne ka sngi, da ong u wa ka chnong Mukroh toh kawi na ki chnong wa em ha khap u pood u ang wa ka jylla Assam katwa kamtæ man ko kawi na ki kynroh wow man kam u pood ka jylla tangwa sñiawsih won wa chnong jooh chah pyndik ko ha kiwi ki jaitbru neipor cheipor.
Da pynrap u leh wa i dawa wow booh ya kani ka Out Post hapoh ka chnong ym man ko kawa thymme neibhah da dawa ya ka nadooh nachwa.
Neiliang u MLA da kular u wow yaklam wa kiwa hajrong neibynta kani ka kaam wei ka chnong leh kyrmen skem ko wa ini i angnood ka chnong u man i iwa krehkaam noh.
Discussion about this post