Kiwa yahkhmat ka Congress wa kiwa pait ya ka Meghalaya wa kynthup ya ka Bobbeeta Sharma, AICC Media Coordinator, u Mathew Antony, AICC Media Coordinator, u Benny Bahnan, MP, u Jesudas Seelam, MP warim, ka Joplin Scott Shylla, President Mahila Congress Meghalaya, u Sanjay Das, General Secretary, Meghalaya PCC wa kiwi de-da lai ki wow ujor pyrchah ya ka Chairperson ka Meghalaya State Women’s Commission, ka Phidalia Toi wa chimbynta ko ha ka lai paidbah u kyrtong ka NPP na Jowai Constituency, u Wailadmiki Shylla heipor wa lai thap pyrtuid u wei da psiah ko leh chapoh ka yung krehkaam u DC, Jowai.
Ha ka kyrwoh wa da phah, da e nongmuna ya u snem 1971 heiwa u Yashpal Kapur, Officer on Special Duty, kamjooh u sahep sorkar da thung ya oo kam u Election Agent heipor wa em u leh hapoh ka Secretariat ka Prime Minister Indira Gandhi. Tangwa da ieh noh u yei kaam ha ka 13-01-1971 heiwa da pdiang yeini ha ka sngi wa bood wei da pynbna da ka Prime Minister Secretariat yeini ha ka 25-01-1971. Tangwa ka High Court won da ong ko wa ka Indira Gandhi da pynban ko ya idæ kam ka kyrtong nadooh ka 29-12-1970, kamtæ ka High Court da chim ko ya ka rai wa ini man ko iwa tyngkehiñ ya ka Section 123(7) ka aiñ RP ACT heiwa da pyndam namo da Disqualify yei man kyrtong ka Indira Gandhi.
Hajrong ini, ka Congress da ong ko ini i man kyrtong u Wailadmiki Shylla leh toh u pyndam noh ki neibhah ka Phidalia Toi da chim kabu ko yei kyrdan ko wow yalap Election ya u Wailadmiki Shylla.
Da kdaw leh wa katkam ka aiñ Meghalaya State Commission for Women Act, 2005; ka Chairperson, Vice Chiarperson, Member wa kiwi de kiwa kreh ka Commission toh kiwa man kam ki chakri sorkar katkam ka Section 21 ka Indian Penal Code wa Section 2 (c) ka Prevention of Corruption Act, 1988, ka Phidalia da tyngkheiñ ko ya ka aiñ Presentation of People Act 1951.
Kamtæ ha ka ujor wa da e ha u CEO ka Election Commission ka Meghalaya, u F.R. Kharkongor da kyntu ya oo wow chimkhia ya ini i kaam wow pyndam noh ya ka Phidalia Toi kam ka Chairperson kamjooh yei man kyrtong u Wailadmiki Shylla neibhah da tyngkheiñ ki leh ya ka Model Code of Conduct.
Da ujor leh pyrchah leh yei pynsih dur ya ka Shillong deiwa biah ya ki Poster u Prime Minister Narendra Modi , u Home Minister Amit Shah wa u BJP President J.P. Nadda .
Neiliang u CEO da kular u wow chimkhia ya ini wei ka takit dang lai ko chakhmat wei daw leh yeiwa emkaam.
