15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa ka CSWO wow khang ya ki Coke Factory wa ktah ya ki paidbah

Advertisement ad1
Advertisement ad1

Ka seiñ CSWO da thoh ko cha u Chief Secretary ka Meghalaya yow pynman yaka takit wei wow khang ya ki karkhana Coke Factory kiwa ktah ya ki paidbah ka Shallang ha West Khasi Hills District wa ha East Jaiñtia Hills District.

Katkam wa pyntip ka President ka CSWO ka Agnes Kharshiing, wa kini ki karkhana wa em ha thaaiñ Nongdaju, Shallang da ktah ko ya ki jhoor wa rep ki bru wei da tymmoh leh da i la’phooh ya ki thaw ki bhaw man i step wa mih na ki palat 10 tylli kini ki karkhana.

Da pyntip leh wa heipor wa lai hiar cha kawi na kini ki Coke Factory da chem wa tang i pyrtuid ka karkhana leh ym em wa booh, kawa em 32 tylli ki tyndur thang mooyong, ki wakreh leh toh waroh kiwa na Assam kiwa da khana wa em ki kamwa 50 ngut wei da su ya ki T. 150 lada kreh ha kawi ka tyndur. Da chem leh wa em boon u mooyong wa pynemkaam yow thang yow man Coke.

Ka Agnes da ong ko wa ki bru wa da yoh u yachem toh kiwa ood wa da chah ktah i chait i khiah wei ym em de yoh ki yaki mar rep da kiwa bha wa miat.

Chooh chooh da ong wa ha kini ki karkhana da chem leh wa em ki khynnah wakreh.

Da kam leh wa uwi na kiwa chong chnong da pyntip u wa em da ki spah tylli ki truck wa kit mooyong pyrchah yaka aiñ kiwa da pynbiang mooyong ya kini ki karkhana heiwa ka seiñ da ong ko wa man leh i jooh hi ha East Jaiñtia Hills wa i tih mooyong pyrchah yaka aiñ da leh yow pynbiang ya kini ki Coke Factory.

Kamtæ da kyntu ya u Chief Secretary wow phah pynman daka takit hajrong ini i kaam.

Share this:
Previous

Da toh pynhaap chabi kari ka Jeep Compass

Next

Palat 4 lak ngut kiwa yoh dawai yada COVID-19 haka chi sngi ha India