Ka District Congress Committee (INC), East Jaiñtia Hills District da lai e ko dei thoh ha u Sub-Divisional Officer (SDO), ka Meghalaya Energy Corporation Limited (MeECL) Khliehriat yow dawa pynchna wei wow kylliang ya ki chrot bordiñ kiwa da dor wa em ha tymbud u sarok nadooh Kuliang hadooh Ratacherra.
Neiliang ka seiñ da ong ko wa da chem ko wa em boon bha kini ki chrot bordiñ kiwa da dor ki wym yoo hoi de kiwa da booh hei maa ya kiwa lai wa wan neidaw wa ye ki wow pat u oor ha iwon iwon i por.
Da ong leh wa kini ki chrot bordiñ ye ki wow ban ya ki yung ki sem ki bru khamtam kiwa chong chnong ka Namchiang iwa ye wow poi hadooh wow dooh yei mynsien bru.
Da kyntu wow chimkhia u leh smat yeini yow lait u jia iwon iwon iwa sñiawsih.
Yeini i jooh da lai leh wow pyntip cha u DC ka East Jaiñtia Hills.
Discussion about this post