Kam chibynta ka Gandhi Jayanti, neiliang ka Dorbar Chnong Tuber Kmaishnong, East Jaiñtia Hills District da pynman ko yei pynkhooid chnong wei da e ko leh da ka Certificate of Appreciation deilang ka Award of Honour cha ka Dong (Club) kawa lehkhooid dooh deilang ka song poisa kawa Rs. 5000 deiwa e leh muhor sahkynmoo.
Ha uni u snem yei naam wa khooid dooh da yoh ka Kordeinlin Social & Cultural Club Tuber Kmaishnong hadien wa pait wa bichaar da ka Executive Committee ka Dorbar Chnong Tuber Kmaishnong.
Hapoh ka chnong da em 5 tylli ki dong wei ka Kordeinlin man ko ka kam ka thaw wow psiah cha ka chnong wei kawa em leh ya boon tylli ki skur, ka khnap thang-bru, ka Health Sub-Center, ka Veterinary, ka Balang Presbyterian, ka Yung Duwan Raij Tuber wa ka 7th Thyndai Child Care Institute.
Ka Dorbar Chnong Tuber Kmaishnong da yaroh ko leh ya ki dong waroh wa ya krehlang ki khamtam yei khooid i jngiar yow yoh leh yei chait i nang deiwa leh khooid.
Ya kani ka Award u e ka man-u-snem cha ki dong wa lehkhooid.
Discussion about this post