Ka Federation of Khasi Jaiñtia & Garo People (FKJGP) Khliehriat Circle da thoh biang ko cha u Deputy Commissioner ka East Jaiñtia Hills ynne wow pynkynmoo ya oo heiyatoh wa u sarokbah NH06 uwa da sih bha khamtam hadien wa joor u slap ha u Naiynru 2021 wei ympu em pynchna dei miat khamtam i bynta chwa ka Infiltration Check Point ha Umtyra iwa da pynthut chooh chooh ya i lai i wan ki paidbah.
Ka seiñ da kdaw ko yei sahkut ki kari dei langær ha uni u sarok neidaw wym em chna ya ini i bynta wa da oor la kamwa ar snem kattu.
Hajrong ini waroh ka seiñ da kyrpaad ko ya u DC wow chimkhia ya ini neibynta i bha i miat ki paidbah.
Neiliang u DC da kular u wow chimkhia wei ka seiñ da ong ko wa lada ka NHAI ym chimkhia ko, daw thooh ko da kiwi ki luti hajrong ini waroh, da ong u President ka seiñ u Michal Chyrmang.
