Dawa ka FKJGP wow pyndam ya ki ar ngut ki baar jylla kam ki Vice-Chairman ha ka sorkar MDA

Shillong: Ka Federation of Khasi Jaiñtia and Garo People (FKJGP) Central Body da pyrchah joor ki yei thung kreh ya ki ar ngut ki baar jylla da ka sorkar Meghalaya Democratic Alliance (MDA) wa kynthup ya u Pawan Sharma kam u Vice-Chairman ka Meghalaya Commission on Resource Mobilisation wa u Vijay Raj kam u Vice-Chairman ka Meghalaya Programme Implementation deiwa dawa wow pyndam noh ya ki.

“Kini ki ar ngut ki baar jylla da man ki kam ki chieh wa taar ya ka jaitbru heiwa u Pawan Sharma, jooh man u kam u General Secretary warim ka Non-Tribal Youths Union (NTYU) wa u Vijay Raj, uwa man leh u President warim ka NTYU,” da ong ka khubor na u Education Secretary ka FKJGP u Kitboklang Nongphlang.

“Ka FKJGP ympu mylliñ ko wa ha ki snem 1990 ter ter, ka NTYU hapoh i yahkhmat kini ki ar ngut neipor cheipor jooh pyrchang ki wow man kam u moochynthut ya ki aiñ ki wow yada ya ka jaitbru,” da ong ka seiñ.

Da pynrap ko wa kini ki ar ngut jooh kwah ki wow pynman ya ka Election Municipal ha ka jylla khnang wow ye ki u yada wei wow wailaad ya ki baar jylla wow kha roi ki hapoh jylla.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka FKJGP da dawa ko wa ka sorkar toh u pyndam noh ko ya kini ki ar ngut na kini ki kyrdan lym kamtæ ka seiñ ym yohsa de ko wow chim da kiwi ki laad wow pyrchah ya ini.