Ynne ka sngi ka seiñ HANM West Jaiñtia Hills Unit da yachem ko wa u Executive Engineer ka PWD (Jowai Central Division) ha kamra krehkaam yong oo heiyatoh wei sih u sarok na Jowai hadooh Soomer deiwa sdang na Iawmusiang.
Ka seiñ da ong ko wa i lai yachem toh hadien wa yoh chiboon ki ujor na ki paidbah yeiwa sih u sarok uwa da pynthut yei lai i wan ki kari.
Chooh chooh ka seiñ da ong ko wa hadien i yachem, neiliang u Executive Engineer da kular u wow leh yeiwa emkaam deiwa kyntu ya ka seiñ wow pait heipor wa kreh khnang wow pyntikna wa da chna bha wei rben ya u sarok.
Heiyatoh won wa u sarok na laad Kynrooh Saphlang cha yung krehkaam u Deputy Commissioner, u Executive Engineer da khana u wa da leh yeini wei ym slem de daw chna noh ya u sarok.
Discussion about this post