Dawa ka HITO wow khang ya ka Mela wa pynman ha Iawmusiang

Ka HITO Jowai Circle da thoh ko cha u DC ka West Jaiñtia Hills wow pyrkhat deiwi yei e boor u wow pynman ya ka Mela ha Iawmusiang, Jowai.

Ka seiñ da ong ko wa hawa ki dong ki chnat ka chnong Jowai pynman Fete ki da pynman ki na ki daw wow pynmih poisa neibynta ka skur næ wow chna ya iwa emkaam ka chnong kam ki Indoor Hall wa kiwi de.

Tangwa kani ka Mela won da pynlai da ki bru samen wei ym tip ya ka thong wa pynman ya ka ha i thaw wa man leh iwa khian bha.

Da ong leh wa hapoh kani ka Mela da em ki kaam pyrchah aiñ kam i yakhle iwa daw ktah ya ki khynnah skur wa lai luti na kani ka thaw neibhah daw yoh ki yoo ya ki kaam wym man nadooh wow pynemkaam ya ki jait dih wa pynmuaid iwa wot da ka sorkar leh pyrchah ko.

Kamtæ da kylli wa lada kini ki bru wa pynman Mela da yoh bor ki nadooh na u SP ka District wei lada su ki ka dan cha ka Income Tax Department.

Related posts

U baam smai uwi kam u Montri sorkar na Ri-Bhoi napyrdi ki 8 ngut kiwa thymme | U man Montri leh u MLA ka Jowai

September 15, 2025

Maham u SP ya kiwa pynpoor yei dur wa i Video i metyap ka Insaphira

September 15, 2025

Da kylli leh wa hadooh katwon sngi da e bor wow pynman ya kani ka Mela wei lada paan bor ki wow pteiñ chooh ka.

Da kyntu leh ya ka Dorbar Chnong Iawmusiang wow pyrkhat ko yeini wa da e bor neibhah hadooh ki khynnah skur da psiah ki wow yakhle ha kani ka Mela.

Kamtæ da ong wa lada u DC ym ye u wow khang ya kani ka Mela, neiliang ka seiñ daw mih ko chakhmat yow yakhun ya kini ki kaam wym em yoosuk.