Ka seiñ HNYM West Jaiñtia Hills da dawa ko wow beh noh ya waroh ki bru yong ka sorkar kiwa em ha ki Check Gate waphær waphær kam ha thanat Raliang, ha Saphai ha ki thaw wa em Check Gate yong ka DMR wei heijooh i por leh ka seiñ da dawa ko naka sorkar wow booh da ki Magistrate wow sylli ya ki kari wa kit mooyong wa kiwa kit palatpood kiwa lai lyngba ka yingkieñ Myllep kawa em marjan waka chnong Saphai.
Ka seiñ da ong ko wa ini i lai kini ki kari na kani ka yingkieñ kawa da tlot chwa da booh ko hei maa hadooh kattæ kattæ ya u paidbah yong ka dong ka thaaiñ.
Ya ini i dawa toh neidaw wym chaniah de ka seiñ ya ki bru yong ka sorkar kiwa em ha ki Check Gate waphær waphær wa ya boi embynta lang ki wa ki kattu katni ngut ki bru wa leh Benami wow pynlai ya ki kari yong ki baar jylla deiwa pynemkaam yow chna pyrchah aiñ da ki Challan Clinker/Cement yow pynyoo ha ki Check Gate deiwa kit won da u mooyong.
Ka seiñ da pyntip ko wa da dep ko wow ujor chwa ya ki kari wa lai neini wei heijooh i por da dawa leh naka chnat Transport wow pyndam noh ya ka Weigh Bridge kawa em ha Saphai neibhah wa ka seiñ da chem ko wa kani ka Weigh Bridge ym jooh thaw khia ko ya ki kari wa kit ya ki mar waphær waphær.
Kamtæ ka seiñ da ong ko wa lada ka sorkar ym pyndam ko ya kini ki bru yong ka, pynyoo ko wa ka leh embynta lang ko.
Puræ leh: Pyrchah joor ka HNYM West Jaiñtia yei lai ki kari kit mooyong na ka yingkieñ wa da tlot
Discussion about this post