Ka Hima Sutnga Youth Federation (HSYF) ynne da lai e ko dei thoh ha u Chairman ka Fact-Finding Committee kawa da thung da ka sorkar yow takit yeiwa jia hawa pynman ya ka Public Hearing ka Shree Cement ha Lum Syrman ka Elaka Nongkhlieh ha ka 31-07-26.
Neiliang ka HSYF da pynsñiaw ko wa pyrchah ko ya ka Public Hearing wa pynman da ka MSPCB neibhah wym em bood katkam ki kyndon ka EIA, 2026 heiwa da pynemkaam da ki pulit wow khanglaad ya kiwa chong chnong wow chimbynta ki.
Deiwa leh kamni kiwa boon kiwa chah ktah nei thmu tih moochuni ha u Lum Syrman ym em yoh ki yei hok wow pynsñiaw yeiwa kwah ki iwa da man pyrchah leh ya ka Article 21 ka Constitution ka ri India.
Najrong ini da em leh kiwa tih ya u sarok wow lai cha ka Public Hearing wei da chah kawang moo kiwa mut wow lai chibynta heiwa da piah da pra ki kari wei da em leh uwi uwa mynsoo wei ki pulit kiwa da booh ha kani ka thaw ym em leh ki iyi iyi leh.
Chooh chooh da ong wa ka thaw wa mut wow tih moochuni leh man ko kawa em i yaknieh ya kam kylla heiwa ka Elaka Sutnga wa kiwa boon ki tre thaw da kamtre ki yei thaw yong ki hi wei ka Fact-Finding Committee leh toh u pait ko yeini.
Kamtæ ha HSFY da kyntu ko ya ka Committee wow pyndam noh ya kani ka Public Hearing ka Shree Cement kawa dadep pynman.
Discussion about this post