15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Dawa ka HYC na ki bor pulit wow khang yei wan psiah tooh ki baar ri hadien wa pynbna ya ka NRC ha Assam

0 Comments

Shillong: Ka seiñ Hynniewtrep Youths’ Council- Central Executive Council (HYC-CEC) ynne ka sngi hapoh i yahkhmat yong u President yong wa u General Secretary, u Robertjune K Jahrin wa u Roykupar Synrem ynne ka sngi da yachem ki ya u Director General of Police ka jylla, u Vijay Kumar Singh heiyatoh wa i pynmih ya ka National Register of Citizenship (NRC) ha Assam.

Ka seiñ da ong ko wa hadien wa da pynbna ya ka NRC da em palat 19 lak ngut kiwa ym em mih pyrtuid ha kani ka thup katwa kamtæ kiwa chah kyntait ye ki wow psiah chapoh jylla Meghalaya lada ym chimkhia yeini iwa daw ktah joor ya ka jylla waroh kawi.

Advertisement ad1

Ha ini i yachem neiliang ka seiñ da ekti ko ya ka dorkhat heiwa da kyntu ya ki bor pulit wow khanglaad yei wan psiah tooh ki baar ri hapoh jylla deiwa pynboon ya ki pulit ha ki Anti-Infiltration Directorate ha waroh ki District ka jylla wei wow booh ya ka khyrdop (Check Gate) ka wow kreh 24 kynta ha waroh ki sarok wa em hapoh jylla.

Da kyrpaad leh ya ki bor pulit wow kyntu ya ki Dorbar Chnong wa ki Village Defence Party wow man kiwa paitsiar khnang wa ym em i wan sah ki bru kiwa na baar chapoh chnong wei wow phah ya ki Dorbar Chnong wow e ki ya ka thup (register) yong kiwa chong chnnong hapoh chnong cha ki Officer in Charge yong jar jiar ki Police Station arsien chisnem.

Ka seiñ leh da ong ko wa man ko kawa smat wow yakrehlang wa ki bor pulit wow khanglaad yei wan psiah tooh wei wow wan chong chnong kiwa na baar. 

Previous
Next

0 Comments

Leave a Reply