15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Dawa ka HYC wow riñ Video heipor Interview wei wow pynbna Result hapoh 24 kynta

Advertisement ad1
Advertisement ad1

Ka chnat yong ka seiñ HYC ya kawa da tip kam ka HYC-South West Khasi Hills ynne ka sngi da yachem ko ya ka Deputy Commissioner yow dawa wow pynkhooid yei rukom thung kreh hapoh ka District lyngba ka DSC næ ki Recruitment Departmental Board heiwa da dawa pynkhreh ym duna 20 thup ki Question Papers wei chwa wow thoh Exam wow pynkhle ya ka thup wow jubab kiwa yaleh kreh heiwa ya ini emkaam u riñ Video katwa kiwi ki 19 thup wa sah won emkaam wow Upload ha ki Website wei wow biah ha ki Public Notice Board khnang wow tip yei yaphær kini ki thup.

Da dawa wa ka Interview Marks ymtoh u tam ko ya ka 12% kamwa da kdaw da ka Supreme Court ka ri India wei wow booh CCTV wow riñ Video ya waroh ki Examination Centre, ya ki Interview wa kamjooh leh heipor wa lakha ya ki Marks.

Advertisement ad1

Ka seiñ da ban joor ko leh wow pynbna ya ki Result hapoh 24 kynta nadooh wa dep Interview heiwa ki bru wa chim Interview ymtoh u chah wow rah Mobile Phone ki heipor Interview wei wa i thung ya kiwa chim Interview ymtoh u embynta ki ha ka Politics næ u man ki kam ki dkhot yong kawon kawon ka Political Party næ ki seiñ saiñhima namo kiwa hayung yong kiwa mihkhmat paidbah.

Waroh ki bru wa embynta wow pynlai yei thung kreh nadooh kiwa pynkhreh ya ki thup kylli, kiwa pynbait ya iwa da thoh wa kiwa chim Interview toh u pyntip ki yei em yong ki (Asset) ha chwa wow chim ya ka kaam wei hadien ini kamwa 5 snem hadien wa da pyndep yei thungkaam. Wei ya ini toh wow pynyoo paidbah yow tip lut (Public Domain).

Ha ki thup jubab (Answer Script) ki Written Examination ym chah wow thoh ya ki pyrtuid wa kiwi kiwi ki dak wow pynyoo næ kdaw yei mantre kiwa yaleh kreh wei wow em ki CCTV næ riñ Video heipor wa sylli ya ki thup jubab yong ki katwa ya ki kylli wa tbian (Objective) toh u pynemkaam da ki Computer deiwa Scan donhi ya ki.

Heijooh i por da pyrchah ko leh ya i wanrah Experience Certificate deiwa kdaw wa ki khynroo khyllood hadien wa puræ ki boon snem, da chong ki khlem kreh neiwon i yoh ki ya ka Experience Certificate.

Ka seiñ da ong ko wa ki bru wa tyngkheiñ ya kini ki kyndon toh u pynngat ya ki hapoh ki kyndon aiñ wa kynthup ya ka Prevention of Corruption Act wa kiwi kiwi ki kyndon ka aiñ kiwa krehkaam hapoh ka ri.

Share this:
Previous

Ka aiñ yada masi yong ka Assam man ko pyrchah ya ka riti synchaar ka ri, phah tuklar ka HYC

Next

Ujor FIR ka Seiñ Raij Tuber pyrchah ya u Living Rymbai wa klam beiñ u ya ka niam