Hadien wa da phah pynkrehkaam ka Meghalaya High Court ya ka Roster System ha ka jylla hawa kheiñ ya ka pali yoh kreh hapoh ka Reservation Policy. Ynne neiliang ka Jaiñtia Coordination Committee for Reservation Policy (JCCRP) da chong yalang ko ha Jowai heiwa da chimbynta da ki seiñbhalang ka Ri-loom Jaiñia, ka Synjuk Waheh Chnong Jowai, ka Synjuk ki Waheh Chnong Ri-Jaiñtia wa kiwi kiwi.
Ha kani ka yalang da jied ya u Jersom Shylla uwa man leh u President ka JSU wow man kam u Chairman, u Treiborlang Suchen uwa man u General Secretary ka JSU kam u Vice Chairman, u Sambormi Lyngdoh uwa man u President ka EJNC kam u Secretary, ki Joint Secretary wa kynthup ya u OL Tariang uwa man u President ka JYF wa u Roitre Dkhar.
Ha ka yalang da ya phyllu yumut hajrong kiwa boon ki bynta, tangwa da chim ya ka rai wow dawa na ka sorkar wow pynkrehkaam noh ya ka Roster System nadooh u snem 2023.
Ka JCCRP da rai ko leh wow chong pyrkhat biang ya ini i kaam ha ki sngi wow wan wei da rai leh wow dawa na ka sorkar wow sylli biang namo wow Review ya ka Reservation Policy.
