Ka Jaintia National Council Khliehriat Circle ynne ka sngi da lai dawa ko na u DC ka East Jaiñtia Hills District wow kyntu ya ka NHAI kawa toh u pait ya u sarok NH-6 yow phah bru ko yow kynjrait um ya u sarok khamtam ha Khliehriat uwa katni da dap da ki pum-pum wa mih na uni u sarok ar sien chi sngi khamtam heipor wa lai skur wei wan skur ki khynnah.
Ka seiñ da ong ko wa ini i laphooh u sarok da ktah lut ko ya waroh ki yung ki sem, ki dukan, khamtam ki khynnah skur wa ya waroh hi ki bru kiwa lai lyngba uni u sarok.
Hei thoh wa da e cha u DC da dawa leh wow pynbor ya ka NHAI wow pynchna smat ya uni u sarok neibhah kattu neini chakhmat da biang i por wow chna noh neidaw wa da rang i bneiñ kamwa da kular wow leh.
Neiliang u DC da kular u wow chimkhia yow phah kynjrait um ar sien chi sngi neibhah wa daw yarap i wow pynduna yei laphooh yow lait u chah ktah ki paidbah.
Discussion about this post