U Deputy Commissioner uwa man leh kam u Chairperson ka District Highway Safety Task Force (DHSTF), West Jaiñtia Hills da phah u wow kyrriah ya waroh ki dukan, ki thaw dai mar wa kiwi de ki kaam yadai yathied kiwa da tia cha u sarok (Right of Way) u National Highway 40E/206 kiwa em hei bynta wa 217th Km iwa nadooh Ch:216,060.00 hadooh Ch:216,540.00m.
Ki bor District da ong ki wa kini ki dukan toh kiwa da booh ha ki bynta kiwa dang man kam chibynta u sarok National Highway wei da pynthut ki yei lai i wan ki kari iwa da booh hei maa ya ki bru wei kamjooh da pynthut leh manda pynchna ya u sarok.
U DC da ong u wa da em leh ka hukum ka Supreme Court ka India kawa da khang wow booh dukan harood ki sarok National Highway.
Kamtæ u DC da phah u wow tympra waroh ki dukan lane kiwon kiwon kiwa da chna ha rood sarok wei lada ym leh yeini daw phah da ki bru ka District Highway Safety Task Force (DHSTF) wow leh ki yeiwa emkaam.
Discussion about this post