Ka seiñ Jaiñtia Students’ Movement (JSM)-Western Region ynne ka sngi da yachem ko wa u Deputy Commissioner ka West Jaiñtia Hills District heiwa da e da ka dorkhat wow dawa na oo wow pynman da ka Free Coaching neibynta ka UPSC Exam hapoh ka West Jaiñtia Hills District.
Ha kani ka sngi ka seiñ da kyntu ko ya u DC wow pynboon i pdiang ya ki khynroo wow chah hikai ha kani ka Exam kamjooh kiwi ki jait yaleh Exam khlem leh chiliangkhmat.
Kamtæ ka seiñ da khut ko ya ki khon khynroo na Ri Jaiñtia kiwa dadep puræ ya ka kyrdan Bachelor Degree ha ki laiñ waphær waphær ya kiwa em i thrang mynsien u thoh ya kani ka Exam, kiwa kwah u yoh chah hikai wa kammon u pynkhreh ya ka Exam UPSC wow wan ki chakhmat.
Neiliang u DC ka West Jaiñtia da kular u wow pynman ya katæ ka Free Coaching UPSC Exam ha Jowai, kamjooh leh daw pynman chwa da ka Entrance Exam hachwa wow jied ya ki khynroo wow chah hikai.
Discussion about this post