I sangeh wow lai kreh ki Lawyer cha ki yung bichaar (Court) ha Meghalaya u pteiñ i hadien wa ki Bar Association da yachem ki wa ka Chief Justice deilang wa u Law Minister, u Lahkmen Rymbui ynne ka sngi wow dawa pyndam kreh ya u Advocate General, u Amit Kumar.
U Secretary ka Shillong Bar Association, u TL Jyrwa da ong u wa i yakhih toh iwa da pynman da ka Shillong Bar Association wa ka High Court of Meghalaya Bar Association neibynta waroh ki Bar Association ka jylla.
Da ong u wa ka Chief Justice da pynkynmoo ko wa ka Supreme Court da khang ko ya ki wow yakhih tangwa ym yohsa de ki neibhah ym em wa ap yeiwa dawa ki.
Da ong u leh wa da kular ko wow yaklam wa ka sorkar jylla wa ki Association.
Hadien ini da yachem ki wa u Law Minister, u Lahkmen Rymbui heiwa ym sñiawhun ki yei yaklam neibhah ym sñiaw ki wow poi i kaam katchawa em.
U Lahkmen da ong u wa i thung kreh toh iwa leh da ka Law Department wei wow pyndam ya u Amit Kumar i rai u chong i ha ka Cabinet.
Hadien ini da rai ki wow pteiñ yei yakhih deiwa sangeh u lai cha Court kat hadooh ka 3 tarik uni u bnai.
Chooh chooh u Jyrwa da ong u wa i dawa yong ki toh wow pyndam kreh ya u Amit Kumar uwa da pynemkaam bakla ya ka chuki u wow thung da ki bru yong oo hi kiwa wanrah na baar heiyatoh wa ki Case hapoh Meghalaya iwa pynsepai ya ka poisa paidbah.
Ha kani ka yakhih ynne, ki Lawyer da pynkhreh ki da ki pyllieñ kiwa da thoh wa kiwa boon ki kyntien wow klam beiñ wei da kawang ki hei dur u Amit Kumar.
Discussion about this post