March 17, 2023
Ka JSM ynne ka sngi da e dorkhat ko cha u Montri Rangbah wa u Montri ka chnat Border Areas Development Department lyngba u Deputy Commissioner ka West Jaiñtia Hills wow booh noh ya ka Border Outpost Police ha Mukroh.
Ka JSM hei emlang u Jimmy R. Kharmuti uwa man u Working President ka JSM-CB, u Pillarstone Phawa uwa man u Chief Organising Secretary JSM, u Ribok N. Biam kam u President ka JSM-WR wa kiwi da lai yachem ki ya u Deputy Commissioner wow dawa joor na ka sorkar jylla wow pynman kaam ya i rai ka Cabinet ha ka 29-11-2022 wow booh noh da ka Border Outpost Police (BOP) ha ka chnong Mukroh ha ryngkat i mynjur lang kiwa chong chnong ka Mukroh khang wow pynchngaaiñ wei wow yada ya ki paidbah ha ki thaaiñ khappood.
Heijooh i por da ong ki wa i kam u Montri Rangbah ka Assam wa ka chnong Mukroh hap ko hapoh Assam daw wanrah i yei chong syir ya kiwa chong chnong ka Mukroh.
Kini kiwa kitkaam ka seiñ daw yang ki ya ka rai ka sorkar jylla khnang wow ye u chim deiwi i rai khnang wow yada khnang wow suk ka pateiñ hadien.
Kam wow pynkynmoo wa u Montri Rangbah ka jylla, u Conrad Sangma ha ka u Kmaichonglaad (Dec) 2022 da pyntip u wa da booh ya ka Border Outpost ha Mukroh deiwa pynyang 30 ngut ki pulit wei ya kini da pynskem wow em bait ki ha katai ka thaw.
