Ka seiñ JSM da thoh ko cha u Montri Rangbah ka jylla, u Conrad Sangma wow e yada ya ki bru Pnar wa sah ha Block-I deiwa yaklam leh wa ka sorkar Assam hadien wa mih ka seiñ kieñ suloi wa thymme ki Karbi wa tip kam ka United Peoples Front of Karbi Longri (UPFKL) wei da pynsakhiat yeini hadien wa chah kem ar ngut ki dkhot kani ka seiñ kiwa da em ka thmu wow pyntieñ pynsmiej ya ki bru Pnar wei lada ka sorkar ym ye ko wow leh yei kaam yong ka, ka seiñ ym swe ko u leh da ki kaam wa khor lada jia iyi iyi ya ki bru yong i.
Ka seiñ da ong ko leh wa nadooh u snem 1951 hadien wa rah ya ka Block-I wa Block-II napoh ka Jowai Civil-Sub Division chapoh ka United Mikir Hills District da u Governor ka Assam ha itu i por wei ym em pynuiñ ya kini ki thaw cha ka Meghalaya hadien wa yoh jylla ha u snem 1972, ki bru yong i da haap ki wow maad yeiwa boon i chitom ha kti ki seiñ kieñ suloi ki Karbi.
Da pynkynmoo leh wa ha u snem 2004 da ki spah ngut ki Pnar kiwa da hap yut chnong ki cha Sahsniang hadien wa da chah maham ha ki seiñ ki Karbi kiwa da pynchitom hadooh wow tynyap wei dawa poisa ya ki bru yong i.
Kamtæ da ong wa ka sorkar toh u pyntikna ko wa kam kini wa da dep jia ym jia de ki.
Puræ leh: Syier mynsien ki Pnar ha Block-I wa mih thymme ka seiñ kieñ suloi ki Karbi
Discussion about this post