Jowai: Ka Jaiñtia Students’ Union Shillong Circle lyngba u President yong ka, u Treiborlang R. Suchen wa u General, Secretary u Request Pakma ynnin ka sngi da phah ko ya ka dorkhat cha u montri ka chnat i chait i khiah, u AL Hek wow dawa pynku kyrdan noh ya ka thaw sumaar Mynso PHC cha ka 24×7 PHC.
U General Secretary ka seiñ da ong u wa da sñiaw yei ood ki paidbah wei da pynsñiaw yeini i jooh ha u montri lyngba ka phone hajrong ini waroh i chitom wa chem ki paidbah ka thaaiñ.
Ka seng da dawa ko leh na u montri wow e noh ya ka Amublane ya kani ka PHC neibynta wow chakri ya ki paidbah kiwa emkaam yarap ha ki por wa jhan khamtam ha i chitom saja kam ki paidbah haap maad ki neipor cheipor.
Ka seiñ da kdaw ko wa kani ka PHC dang duna bha ko ya ki wakreh (Staff), ki Lab Technician, Pharmacist, ki tiar sumaar wa kiwi kiwi wei kani ka PHC da e ko yei chakri ya ki paidbah da ki phaw snem kattu tangwa em ko du ar tylli ki pyllong ya ki hajar ngut ki paidbah.