Ka Khasi Students’ Union War Jaiñtia Circle ynnin ka sngi da lai ko wow dawa na u Deputy Commissioner, West Jaiñtia Hills District wow sangeh syndon yaka hukum wow sdang biang yaka khayi pateiñ (Export & Import) waka Bangladesh lyngba ka Tamabil Check Point.
Ka seiñ ha i ya emlang u President ka District Unit u Ohibait Dkhar, u Laitphar Syngkrem u President ka War Jaiñtia Circle da e ki dei thoh ha u Deputy Commissioner wow sangeh chwa ya kani ka kaam khayi pateiñ neibhah wa katni booh ko hei eh wa i maa yaki paidbah ka thaaiñ War Jaiñtia neidaw wa poor smat u khñiang COVID 19 wot ha Bangladesh leh nang joor chooh chooh.
Neiliang ka seiñ ka pyrshah joor ko ya ini i thmu ka sorkar kat wym pu ye wow e kular wow yada cha ki paidbah wow pynbiang ya i emkaam khamtam yaki Doctor da ki tiar Personal Protective Equipment chwa wow wai ya kani ka thaw khayi haka thaaiñ.
Ka seiñ da ong ko leh waka sorkar toh u bahkhlieh lada jia iyi yaki bru khamtam ha ki thaaiñ khappood wei u pyrchah bait ya ini lada ka sorkar ym ye ko wow pynbiang yaki laad yada.
Ka kyrwoh na u General Secretary u Lurman B. Talang.