Deiwa sñiawkhia yei chngaaiñ ki paidbah, neiliang ka JSU Narpuh Circle da phah ko dei thoh cha ka Meghalaya Energy Corporation Limited (MeECL), Mowakhu, East Jaintia Hills District, lyngba u Executive Engineer, Khliehriat Distribution Division (MePDCL), Khliehriat, yow lai pait wut-wut ya ki chnong Sonapyrdi, Chymplong wa Kuliang.
Ka seiñ da ong ko wa da em kattu katni tylli ki chrot bordiñ kiwa da jan oor wei sap sarah kiwa em leh hajan dukan harood u sarok NH-06 wei lada jia wa oor syndet ki daw booh ko hei maa ya kiwa chong chnong kamjooh kiwa lai wa wan khamtam ha ki por slap wei joor ka la’ær.
Kamtæ ka seiñ da kyntu joor ko ya ka MeECL wow chimkhia wei wow lai pait ya kini ki thaw yow lait u jia iwon iwon iwa sñiawsih.
Discussion about this post