theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Dawa ka JSU waka Synjuk Waheh Chnong wow wai noh yaka B.Ed College ha Jowai

Ha ka yalang ka JAC wa man ynne hapydi ka JSU wa ka Synjuk Waheh Chnong Jowai ha Jowai, da em u President ka SWCJ u Alan Niangti, u General Secretary ka SWCJ u Riquoma Rq Laloo wa ki dkhot ka EC SWCJ wei na ka JSU da em u General Secretary u Treibor R Suchen wa u Education Secretary u Eddy K Pohtam wa ki dkhot ka seiñ.

Ha kani ka yalang da mih ka rai wow paan pynche na ka sorkar jylla hajrong i slem ka sorkar wow wai noh ya ka B.Ed College ha Jowai wei ka JAC da dawa ko na ka sorkar wow wai noh ya kani ka B.Ed College neibhah ya i yung (Building) da pynman leh ya ki Class hadien wa dep chna kyrpang ya i yung ha Mynthong Jowai, wei da thung leh wot ya kiwa kreh ha kani ka College.

Advertisement ad1

Neiliang u General Secretary ka JSU, u Treibor R Suchen da ong u wa ka JSU da dawa ko ya ka B.Ed College ha Ri-loom Jaiñtia nadooh u snem 1987 heipor wa man President u Garland Rymbai wa u R. Swer kam u General Secretary deiwa ong leh wa ka sorkar jylla toh u pynsmat ko wow paan tipmit noh ya ka B.Ed College ha Jowai na ka NCTE, Delhi wei wow wai noh ya kani ka College neibhah ya i yung yong ka B.Ed College da pynemkaam katni da ka Higher Secondary School yong ka Kiang Nangbah College chipor kat ympu wai ya ka B.Ed College ha ini i yung ha Mynthong.

U Treibor da ong u leh wa ka sorkar jylla ymye ko wow leh chiliang ya ka ri Jaiñtia neibhah ka seiñ la 35 tylli ki snem da dawa ko wow wai ya ka B.Ed College ha Ri-loom Jaiñtia tangwa ka sorkar wa kiwa mihkhmat ym em u chimkhia ki wei dang ha ki sngi wa dadep ha Tura da ye wow wai ya ka B.Ed College wei yeini da pyntip paidbah da u Montri Rangbah ka jylla u Conrad Sangma.

Neiliang ki heh ka Synuk ki Waheh Chnong Jowai da ong ki wa ka sorkar toh u wai noh ko ya kani ka College wow myntoi ki khynnah puræ ka thaaiñ khamtam wa dang duna ki thaw puræ B.Ed hapoh ka jylla wei da ong ki wa ka JAC daw thoh noh ko cha u Montri Rangbah wa u Montri ka chnat puræ puthi wow dawa wai noh ya kani ka College kawa da sahteiñ da boon snem.

Advertisement ad1
Share this:
Previous

Ha ka 3 tarik u sdang ki yalehke Quarter Final ka 2nd Division ka WJDSA

Next

I-Day Cup U-17: Jop ka Saindur Mihmyntdu