August 1, 2022
Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ka yalehke wa 27 ynne ka sngi.
Ka yalehke ynne toh kawa da hap pynman biang hapyrdi ki le tylli ki liang kiwa da yoh katjooh ki Point heiwa da pynman hapyrdi ka Lion Sports & Youth Affairs waka Pynthorlangtein heiwa ka Lion da jop ko da 3-1.
Advertisement
Ya ka Lion da thap kool da u Chiruplang Pdang haka minit wa 34, u Chanmitre Dkhar haka minit wa 41 wa u Sanborlang Kharshohnoh haka minit wa 49. Katwa ya ka Pynthorlangtein da thap da u Balongshwa Surong ha ka minit wa 32.
Kamtæ ki yakhun Quarter Final u sdang ki ha kani ka 3 tarik da ar tylli heiwa ka Lion Sports & Youth Affairs daw yachem ko waka Khliehiongriang heipor 2:00 waje i sngi wei daw pynbood da ka NSA waka Mookyndur heipor 4:00 waje noh chariñ ka sngi.
Ha ka 4 tarik leh daw pynman biang ar tylli ki yalehke Quarter Final heiwa ka Phramer daw yachem ko waka Iawmulong Nartiang heipor 2:00 waje i sngi katwa ka Panaliar daw yachem ko waka West Madan Mustem heipor 4:00 waje noh chariñ ka sngi.
Advertisement
