Ka seiñ Jaintia Students’ Union (JSU) seiñbei da beiñ joor ko ya ka sorkar Meghalaya wa lyngba ki pulit da chim ki ya ka aiñ ha ki kti yong ki deiwa dat wa bom ya ki dkhot ka MCTODA khamtam ya uwa e buit warim ka JSU, u Heibor Pariat uwa man u President ka Jaiñtia Unit ka MCTODA uwa da chah bom chah dat la kam u mrad katkam wa da sakhi ha ki Video wa da poor bha.
Ka seiñ da sñiawphylla ko leh wa u Deputy Chief Minister, u Prestone Tynsong uwa da kylli wa ileh kiwa na Jaiñtia wan yakhih cha East Khasi Hills District heiwa ka seiñ da e jubab ko deiwa ong wa ha ka 4 tarik u December 1997 da em ka Reciprocal Agreement hapyrdi ka sorkar Assam wa Meghalaya wa ki kari Assam ye ki wow kit 1000 tylli wei ki kari na Meghalaya ye ki wow kit 2000 tylli ki kari wei ye ki leh wow lai khih cha Garo Hills næ cha Assam.
Ka seiñ da dawa ko na ka sorkar wa toh u pynlait noh ya kiwa yahkhmat ka MCTODA khlem da pynngat ha kiwon kiwon ki kyndon yong ka aiñ neibhah ka MCTODA ym em yakhih ko pyrchah ya ka aiñ kawa man ka hok yong kiwon kiwon kiwa chong chnong hapoh ka jylla.
Ka seiñ da pyrkhat ko wa ye ko u lai ujor cha ka Meghalaya Human Rights Commission yow pyrchah ya ki pulit kiwa pynemkaam bakla ya ka aiñ. Wei lada ka sorkar ym ap ko yeini i dawa, ka seiñ daw chong pyrkhat ko.
Discussion about this post