Ka seiñ Jaiñtia Women Council (JWC) ynne da pynman yakhih ko ha pchem ka yung krehkaam u DC ka East Jaiñtia Hills wei da lai e leh dei thoh cha oo hajrong i wym yoh laad ki wow klam ha ka Public Hearing ka Meghatop Cement kawa da pynman ha chnong Wahiajer wa em hapoh ka Narpuh Elaka ha ka 18 tarik uni u bnai.
Ka seiñ da ong ko wa da phylla ko wa manda poi ha i thaw wa pynman ya kani ka Public Hearing da chah khang ki ha ki pulit kiwa da toor cha ki deiwa rah lathi lakam wa da wan ki wow pynkulmar ha kani ka thaw hawa ki da wan ki dei thmu wow pynsñiaw yeiwa kwah ki.
Da phylla ki leh wow yoo wa ki pulit da booh ki da ka Check Gate ha Umtyra iwa da pynyoo wa da em iwa da sooh buit chwa neilang ki bor District yow khang laad yow poi cha ka thaw pynman Public Hearing yow lait ki wow chimbynta.
Chooh chooh da ong wa da yoo phylla leh kammon ha ka thaw poi cha ka Public Hearing heithaw wow em da ki pulit wa kær wa yada da em pathan da ki bru paidbah kiwa da khang yei psiah cha kani ka thaw wei ini waroh da pynyoo wa da em iwa da pynkhreh bha yow pyndooh yeiwa man hok.
Kamtæ ka seiñ da dawa ko na u DC wow tuklar u yeini wei wow jied tarik yow pynman biang ya ka Public Hearing kawa da yoh hok waroh u chimbynta.
Kam wow pynkynmoo wa ka seiñ chwa wow man ka Public Hearing da thoh ko cha u DC yow pyntikna wym dooh ki yei hok wow klam wow pynsñiaw.
Discussion about this post