Ka All Meghalaya Sarva Shiksha Abhiyan School Teachers’ Association (AMSSASTA) ynne da rai ko wow pynkut chipor yei yakhih hadien wa ka sorkar da pdiang ko wow chimkhia yei dawa yong ki wow pynku ya ka tulop.
Kiwa sikai da yakhih ki ha madan Malki nadooh 1 tarik wa da neh 21 sngi wow dawa pynku ya ka tulop ki 13,000 ngut kiwa sikai SSA da 100%.
U President ka AMSSASTA, u Peter Thyrniang da pynbna u wow pynkut yei yakhih hadien i yaklam wa ka Montri ka jylla kawa man leh kawa e ktien ka sorkar, ka Ampareen Lyngdoh.
U Peter da ong u wa neiliang ka sorkar da rai ko wow pdiang yeiwa dawa kiwa sikai.
I rai wow pynbna pynku ya ka tulop da hap pynslem neidaw wa krehkaam ka Model Code of Conduct (MCC) neibynta ka By-Election ha Gambegre Constituency.
Katkam wa ong ka chnat Education, i pynku ya ka tulop kiwa sikai daw emkaam ka sorkar u pynlut sa Rs. 300 klur ha ka chi snem.
Discussion about this post