Dawa ka JYF wow pynku kyrdan ya ka Jowai Polytechnic cha ka Engineering College

Ka Jaiñtia Youth Federation (JYF) ynne ka sngi da phah dorkhat ko cha u Chief Minister ka jylla, u Conrad K Sangma wow pynku kyrdan u ya ka Jowai Polytechnic cha ka Engineering College wa pura wei wow chna ya ka Campus ka Captain Williamson Sangma State University hapoh Jaiñtia Hills.

Ya kani ka dorkhat (Memorandum) da phah lyngba ka yung krehkaam u Deputy Commissioner ka West Jaiñtia Hills District.

Ha kani ka dorkhat ka seiñ da dawa ko wow pynsmat u pynku kyrdan ya ka Jowai Polytechnic kam ka Jowai Engineering College wa pura wei wow chna noh ya ka Campus ka Captain Williamson Sangma State University hapoh u pood ka Jaiñtia Hills.

Ka seiñ da ong ko wa ka jylla Meghalaya da phiah ya ka ha ki le bynta heiwa ka thaaiñ Jaiñtia da man mo kawa sahdien bha khamtam ha i puræ puthi heiwa em du ka Jowai Polytechnic kawa e ya ki Diploma Course.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Da kdaw leh wa ha Shillong em ko nadooh ka Engineering College wa Medical College wei ha Tura da em leh kattæ i pynchna ya ka Medical College.

Kamtæ ka sieñ dei sniawkhia yeini da kyntu ko ya u Conrad Sangma wow chimkhia yeini wei wow smat u pyndep ya ki kreh neibynta kini ki ar tylli ki mat.