Heiyatoh wa ka Civil Defence Mock Exercise on Air Raid kawa daw pynman ha waroh kawi ka jylla ha ka 24 tarik uni u April, 2026. Ha East Jaiñtia Hills District daw pynman ya ka da ka yung krehkaam u Deputy Controller of Civil Defence deilang ka District Disaster Management Authority (DDMA) ka District.
Ha East Jaiñtia Hills District daw pynman ka ha Khliehriat deiwa sdang nadooh 3:00 PM hadooh 4:00 PM katwa yei pyndooh bordiñ namo ka ‘Blackout’ daw pynman nadooh 6:59 PM hadooh 7:02 PM.
Ki thaw wow pynman ya kani ka Mock Exercise toh ha Jaintia Eastern College (JEC), ha Khliehriat Presbyterian Higher Secondary School, ha 1 India Family Mart, ha San Mala Restaurant, Khliehriat, ha Stand Byndihati Parking Lot, ha pchem ka Office u Deputy Commissioner ha Khliehriat wa kiwi de.
Neiliang won u Joint Director ka Civil Defence uwa man leh u DIG ka SDRF, u B. Mukhim da kyntu u ya ki paidbah wow chimbynta ha ka Mock Exercise neibynta wow chngaaiñ ka ri.
Ya kani ka Exercise, da e pyrtuid “ARMEX-1 2026”, wei u pynman ya ka da ka Directorate of Civil Defence & Home Guards, Meghalaya, deiwa bood ya ka hukum ka Ministry of Home Affairs.
Ya kani ka Mock Drill daw pynman ha waroh ki District dei krehlang wa ka Air Force, Army, Police, SDRF, Home Guards, Civil Defence Wardens & Volunteers, Fire & Emergency Services, Health Department, Power Department, SDMA, DDMA, DIPR, Dorbar Chnong, NCC, NSS, NYKS wa kiwi.
Ya ka “ARMEX-1 2026” daw pynman ha ki ar bynta (Stage).
Ka STAGE I u kynthup ko ya ka Search & Rescue Operations, Fire Response, Evacuation and Medical Response wa kiwi katwa ka STAGE II won heiyatoh wa ka Air Raid Siren wa ka Blackout.
Ka Stage I u man ko 3:00 PM hadooh 4:00 PM katwa ka Stage II ka wow man ka Blackout toh nadooh 6:59 PM hadooh 7:02 PM.
Discussion about this post